يا اهل العرب والطرب
-[welcoOome]--
مرحبا بك ايها الزائر الكريم
مرحبًا بك ما خطّته الأقلام من حروف
مرحبًا عدد ما أزهر بالأرض زهور
مرحبا ممزوجة .. بعطر الورد .. ورائحة البخور
مرحبا بك بين إخوانك وأخواتك
منورين المنتدى بوجودكم ايها اعضاء وزوارنا الكرام
تحيات الادارة/يا اهل العرب

اسلامي ثقافي رياضي فن افلام صور اغاني


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

رباعيات الموت والميلاد عبد الرحيم منصور

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1صور رباعيات الموت والميلاد عبد الرحيم منصور في الخميس سبتمبر 07, 2017 9:40 am

Admin

avatar
مدير الموقع
رباعيات الموت والميلاد عبد الرحيم منصور



[ رباعيات الموت والميلاد ]

طعم البيوت في الشوارع

طعم الشوارع بيوت

الخطو طالع وراجع

بيتولد ويموت

***

على الطريق وش غربه

وخطو مالوهش صاحب

والوقت ميت ف تربه

والتربه ماليها صاحب

***

القهوه زى الديار

عريانه من غير وش

طفحت هموم النار

على كل وش يبش

***

- بيتنا أهه يا ولاد

في وش بنت غريبه

في عينها زهر الميلاد

والموت وله تكعيبه

***

جايه منين يا قله

من حجر طينه قنا

كيف العيون والغله

عطشانه زي أنا

***

***

يا طيره ليه طايره بدرى

لسه خفيف الريش

فطموني بدري . وبدري

وليد وعايز يعيش

***

سيبوني أمشى لوحدى

سيبونى أتوه عريان

الدنيا توب على قدي

وما اطقش أنا الغطيان


***

ده دم مين يا خال

حنه فى كفوف النسا

ولا جنين خيال

في بطن أمه اتنسى

***

بردانه ليه يا شمس

والخلق خلقاتها ضاقت

والنفس مش لاقيه نفس

والخطوه ع السكه دابت

***

الدنيا دامت لمين

وكيف تدوم على حال

ما بين بكا وحنين

وبين ميلاد وزوال

***

يا راحل ونا في مكاني

أدوب ومش لاقى حد

ربك مالوش رب تاني

هوه الجواب والرد

***

أنا والطريق والناس

ماشين نزاحم الأرض

اخرتها نفس الكاس

بنشربه مع بعض



http://taamelbyot.cinebb.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى